تسلمي لي يا سلمى
بضحكتها اللي زي القمر 
بتفكر في مستقبلها ربنا يخليكي لي يا سلمى ويبارك لي فيكي عشان أنا بحبك أوي ..... حب كدة مختلف خالص عن حبي لابوكي أو حبي لامي وأبويا ... مختلف خالص
وتأكدت من إحساسي دة كتير أوي فمثلا كانت تيتة عندنا وعندما خرجنا أرادت أن تعدي بكي الطريق وفي لهفة مني أخذتك بقوة لأني خفت عليكي أوي
وقالت لي :
يعني أنتي خايفة على سلمى ومش خايفة علي
فبدأت بقى أذوق كلامي وأقول لها أنتي كبيرة وممكن تتصرفي لو العربية جاءت بسرعة أما سلمى لسه صغيرة قوي
وكمان يا سلمى لما اعرف إن أمي تعبانة أو حاسة بأي حاجة ، بقلق عليها أوي وبكون نفسي اعمل لها أي حاجة ، لكن لما أنتي بتتعبي ..... يا ربي ... أنا بتجنن وأقول ياريتني أنا مكانك ومش بنام الليل خالص وبفضل صاحية جنبك لغاية ماتبقي كويسة
وعلى فكرة أنا أكيد بالنسبة لتيتة كدة ، هي كمان بتحسني بإحساس مختلف عن إحساسها بأمها وباعتقد إن كل أم كدة مش أنا بس
طيب ..... هقول حاجة عبيطة شوية
لو أي حد سال أم وخيرها بين ابنها وأمها
تفتكروا هتقول إيه ؟
طبعا الاختيار صعب أوي وهما الاثنين غاليين أوي أوي أوي وأفضل أقول أوي لحد سنة 3000
لكني اعتقد انه وقت الجد هتبقى الإجابة معروفة
ومش ها قولها طبعا احتراما لامي العزيزة واللي هي عارفة إن أنا بحبها موووت
وكمان أنا مبسوطة أوي يا سلمى لأني بشوفك أجمل بنوتة في الدنيا ومش بشوف حد أجمل منك خالص وطبعا ممكن كتير يعارضوني ويقولوا إن فيه بنات كتيييير أوي أجمل منك بس أنا بأحمد ربنا على النعمة دي وانه سبحانه وتعالى يجعل كل أم تشوف ابنها أحسن واحد في الدنيا واللي مش مجرب بكرة يصدقني
المهم يا سلمى أنتي مش محتاجة اثبت لك أني بحبك كل الحب دة بس أنا آسفة بجد على اللي أنا عملته فيكي النهاردة
غصب عني والله العظيم
أنتي عارفة طبعا أنا عملت إيه
فطمتك.......... بس سنة و7 شهور تقريبا كويس ع الفطام
والظاهر إن الموضوع دة بالفعل يمثل صدمة كبيرة أوي للطفل
كان نفسي أفطمك لما تتمي عامين من عمرك ، بس اعمل إيه الظاهر إن ماما عجزت وسنانها بايظة خالص وعمالة اخذ في مسكنات ومضادات حيوية
أي نعم الدكتور قال لي إن مفيش خطر على الرضاعة
بس لما تكبري إن شاء الله هتعرفي كل حاجة ماشية في البلد دي ازاي
وهتعرفي كمان انه لو باحث عمل بحث وتوصل إن دواء ما ليس له تأثير على الطفل الرضيع هتلاقي السنة اللي بعدها باحث تاني بينفي نتائج هذا البحث ويقول عكس النتيجة السابقة خالص
وتأكدت من إحساسي دة كتير أوي فمثلا كانت تيتة عندنا وعندما خرجنا أرادت أن تعدي بكي الطريق وفي لهفة مني أخذتك بقوة لأني خفت عليكي أوي
وقالت لي :
يعني أنتي خايفة على سلمى ومش خايفة علي
فبدأت بقى أذوق كلامي وأقول لها أنتي كبيرة وممكن تتصرفي لو العربية جاءت بسرعة أما سلمى لسه صغيرة قوي
وكمان يا سلمى لما اعرف إن أمي تعبانة أو حاسة بأي حاجة ، بقلق عليها أوي وبكون نفسي اعمل لها أي حاجة ، لكن لما أنتي بتتعبي ..... يا ربي ... أنا بتجنن وأقول ياريتني أنا مكانك ومش بنام الليل خالص وبفضل صاحية جنبك لغاية ماتبقي كويسة
وعلى فكرة أنا أكيد بالنسبة لتيتة كدة ، هي كمان بتحسني بإحساس مختلف عن إحساسها بأمها وباعتقد إن كل أم كدة مش أنا بس
طيب ..... هقول حاجة عبيطة شوية
لو أي حد سال أم وخيرها بين ابنها وأمها
تفتكروا هتقول إيه ؟
طبعا الاختيار صعب أوي وهما الاثنين غاليين أوي أوي أوي وأفضل أقول أوي لحد سنة 3000
لكني اعتقد انه وقت الجد هتبقى الإجابة معروفة
ومش ها قولها طبعا احتراما لامي العزيزة واللي هي عارفة إن أنا بحبها موووت
وكمان أنا مبسوطة أوي يا سلمى لأني بشوفك أجمل بنوتة في الدنيا ومش بشوف حد أجمل منك خالص وطبعا ممكن كتير يعارضوني ويقولوا إن فيه بنات كتيييير أوي أجمل منك بس أنا بأحمد ربنا على النعمة دي وانه سبحانه وتعالى يجعل كل أم تشوف ابنها أحسن واحد في الدنيا واللي مش مجرب بكرة يصدقني
المهم يا سلمى أنتي مش محتاجة اثبت لك أني بحبك كل الحب دة بس أنا آسفة بجد على اللي أنا عملته فيكي النهاردة
غصب عني والله العظيم
أنتي عارفة طبعا أنا عملت إيه
فطمتك.......... بس سنة و7 شهور تقريبا كويس ع الفطام
والظاهر إن الموضوع دة بالفعل يمثل صدمة كبيرة أوي للطفل
كان نفسي أفطمك لما تتمي عامين من عمرك ، بس اعمل إيه الظاهر إن ماما عجزت وسنانها بايظة خالص وعمالة اخذ في مسكنات ومضادات حيوية
أي نعم الدكتور قال لي إن مفيش خطر على الرضاعة
بس لما تكبري إن شاء الله هتعرفي كل حاجة ماشية في البلد دي ازاي
وهتعرفي كمان انه لو باحث عمل بحث وتوصل إن دواء ما ليس له تأثير على الطفل الرضيع هتلاقي السنة اللي بعدها باحث تاني بينفي نتائج هذا البحث ويقول عكس النتيجة السابقة خالص
وقتها بقى اعمل أنا إيه
عشان كدة ضميري وجعني أوي وفطمتك فجأة
أنا آسفة يا سلمى المثل بيقول " ابعد عن الشر وغني له "
بس أنا فضلت جنبك أوي ومش وديتك عند أنى " على فكرة أنتي اللي قررتي تقولي اللقب دة وأنتي عندك 8 شهور " طبقا للتخطيط اللي كنت مخططاه ليوم فطامك
انتي كمان تاثرتي أوي ... أنا عارفة وحاسة بيكي موووووت بس كمان أنا عارفة أن انتي واثقة إني بحبك أوي ومش هعمل حاجة تضرك أبدا أو تكون ضد مصلحتك
وعلى فكرة يا سلمى بابا كمان كان قلقان عليكي أوي
واجمدي بقى يا سلمى وعدي الأيام دي على خير
وتسلمي لي يا سلمى ووحشتني ضحكتك الجميلة
هناك 5 تعليقات:
جميل اوى انك تكتبى لسلمى بالغه انك بتحوريها هى وجديده ياشاش ياجامده مع انى شايفه انى الفطام فى سن زى ده مش جريمه فى حقها اوى يعنى انتى بس اللى حساسه اووى او فعلا حبك لسلمى مختلف زى ما قولتى بس حلو بردو اننا نحس باطفالنا وصور لومى جميله خااااااااااااااااالص وعسوله ياحلى بنوته استمر يارشا
كمان الضحكه دى عسل اوووووووووووووووى سكر افتكرت حاجه فاكره سلمى عذبتنا ازاى يارشا علشان نصورها اول صوره دى هههههههههههههههه كنا مسخره ربنا يخليكى لماما ياسلمى
البطة دى صاحبتي :))، معلهش يا ساسو الدنيا لسه فيها كتير حلو و يارب يكتبلك فى كل خطوة اردب حنية
البطة دي صاحبتك وانتي كمان صاحبتها وانتي عارفه هي بتحبك ازاي وبتبقى على طبيعتها اوي معاكي زي ما تكوني عايشة معاها ومش بتنساكي بالرغم من انها مش بتشوفك كتير وبتعمل معاكي كل حركاتها الجميلة
ربنا يخليكي لماما ياسلمى " ميرسي ياميوي ع الدعوة الجميلة دي
وعلى فكرة المصوراتي هو اللي كان دمه تقيل وعمال يخوف سلمى باصواته الغريبة دي فسلمى خافت طبعا ومش عايزة تقف تتصور وعايزة تيجي لي
إرسال تعليق