وحوي ياوحوي ..... ايوحا

كل سنة وكل الأمة الإسلامية طيبة وبخير
كل سنة وانتو طيبون يا أصحابي والسنة الجاية اللي ما اتجوزتش تجوز واللي مجوزة وعندها بيبي السنة الجاية يبقوا اتنين إن شاء الله وكدة يعني
كل سنة وكل اللي بيشوف مدونتي بخير
بس خلاص
هو دة اللي أنا محتاجة أقوله بس

طبعا أنا بقول كدة لأني كتبت حوالي 3 صفحات وورد عن شهر رمضان واختلافه مقارنة بالشهور الأخرى وعن إحساسي برمضان عندما كنت طفلة وإحساسي به حاليا ومدى الاختلاف الملحوظ في كل شيء ثم انتهيت بكيفية استقبال شهر رمضان وإيه اللي لازم نعمله وإيه اللي لازم نبعد عنه أو نفكر قليلا قبل أن نقدم عليه

وبعد أن انتهيت من كتابة الموضوع حسيت انه مش لايق علي دور الواعظة مع إنها كانت عظات جميلة جدا والله ومختلفة كمان عن اللي بنشوفها ونقراها في الجرائد
وكمان حسيت إن كل واحد عاقل حر في طريقته واستقباله لهذا الشهر العظيم وان الواحد مش لازم يقرا الوصايا العشر عشان يعرف ازاي يصوم صح
وبقول لكم كل واحد بقى يصوم بالطريقة التي تحلو له وبالشكل الذي يرضي ضميره أمام الله

نسيت حاجة عايزة أقولها قبل ما امشي

ممممممم على فكرة أنا مش راضية عن الأسلوب المتبع في تغيير الساعة أو التوقيت، يعني المفروض إن إحنا دلوقتي في عز الحر دة قلبنا ع التوقيت الشتوي

هههههههههه
هل هذا يعقل ؟
مش لازم نغير الساعة خالص بقى

وكل عام وانتم بخير